Boudicca

Boudicca أو بوديكا زوجها كان زعيم لقبائل أكينى من الكلتيين " أحد عناصر السكان الأصليين فى بريطانيا " ولما مات ضم الرومان ملكه " فى عصر نيرون " فثارت بوديكا بجيش قوامه 100 ألف فى مواجهة القوات الرومانية واللى كانت القوة الضاربة ليها موجودة فى ويلز , وقتلت أكتر من 70 ألف رومانى لكن استطاع الرومان بعد كده سحق التمرد .
المنطقة الجنوبية والشرقية من الجزر البريطانية اللى هى انجلترا كانت دايما مطمع للغزاة ومع عمليات التدافع بدأ الكلتيين يتراجعوا باتجاه المناطق الأكثر وعورة فى الشمال حيث سلاسل الجبال فى اسكتلنده أو فى الغرب والجنوب الغربى فى ويلز ..

ملاحظ أنه قبل الكلتيين اللى بيعتبروا السكان الأصليين واللى هاجروا من وسط اسيا ثم عبروا شرق أوربا حتى وصلوا لشواطىء الأطلنطى على الجزر البريطانية , كان قبلهم عناصر من شبه الجزيرة الأيبرية وحوض البحر المتوسط وربما العناصر دى كانت مرتبطة بالفينيقيين والمصريين والكلام ده قديم جدا يعنى حوالى 2500 ق.م واستقرت العناصر دى وبعدين حصلت الهجرات الكلتية ثم التيوتون بعد ذلك " الجرمان - الانجلوسكسون - الفرنجة - الوندال - القوط - النورمان - الفيكنج " وهناك بعض الأثار المصرية اللى وجدت فى الجزر البريطانية وبتعود لعصور قديمة جدا .

بوديكا Boudicca كانت بتحارب بطريقة اللى يحب النبى يهجم , المعارك اللى انتصرت فيها كانت كلها حرب عصابات وهجوم على معسكرات رومانية ..
نيرون أمر الجنرال باولينيوس بالقضاء على التمرد فكان اقتراح الجنرال انه يتم تسليم مدينة لندن مقابل الاستعداد لمعركة مفتوحة وبالفعل الاستراتيجية الرومانية فى تماسك الصفوف وصد الهجوم العشوائى للبريطانيين كانت ممتازة , وبعدين يبدأ يعمل مصيدة لجيش بوديكا بحاله باستخدام جنود الاحتياط والفرسان , كمين مثالى بيعيد الى الأذهان استراتيجيات هانيبال العسكرية .

فى الصورة تمثال الملكة البريطانية بوديكا وأبنتيها فى لندن أمام مجلس العموم البريطانى ..