فيه اتفاق عام
بين العلماء Scientists ان المرأة هى اللى اكتشفت الزراعة
العلماء بيسموا
أول امراة اكتشفت الزراعة Our
Farming Mother
الكلام ده فى منطقة
الشرق الأوسط من 10 ألاف سنة
الرجل قام بمهمات
الصيد وكانت المرأة مسئولة عن رعاية الابناء وبعض الحيوانات اللى تم استئناثها فكانت
قدرتها على الملاحظة أكبر وبالتالى المرأة هى من اكتشفت اساس الحضارة ولها الفضل فيما
نحن فيه الأن ...
اكتشاف الزراعة
كان ثورة حقيقية , فدان من القمح يكفى اضعاف اللى ممكن يوفره الصيد والجمع .. بدأت
المجموعات البشرية تستقر وأنتشرت الزراعة فى انحاء العالم ووصلت فى الألف التالته قبل
الميلاد لأنجلترا فى فجر الوحدة المصرية الثانية , فى مصر بنتكلم عن القرى الأولى من
حوالى 9 الاف سنة .. الزراعة أورثتنا أمراض عديدة بسبب التعامل مع الحيوانات اللى تم
تدجينها لكن دى مكنتش أكبر سلبيات اكتشاف الزراعة ..
فالزراعة كمصدر
للثروة وفرت الاسس الموضوعية للصراع , فبعض القرى كانت بتفقد محاصيلها لاسباب متعددة
وبالتالى كانت بتبدأ فى الهجوم على القرى الأخرى للاستيلاء على محصولها , وكان شعور
الجوع طاغى .. الانسان فى حالة الجوع بيتحول الى مفترس وبتحكمه غرائزه الحيوانية واحنا
لم نرى الا احداث شغب فقط فى حالة الفوضى لكن الأمور قد تصل - كما حدث مع الانسان الأول
- اننا ناكل لحم بعض ..
ده هيستدعى ضرورة
وجود دولة , والدولة غير فكرة القيادة او الزعيم لأن الثدييات أغلبها بيعيش فى جماعات
وبيكون فيه قائد للقطيع وبيبقى عنده سمات شخصية متمايزة ..
وبالمناسبة كثير
من الحيوانات لديهم القدرة على التجريد وممارسة الخداع بمعنى انه بيقوم بعمل ما بهدف
الخداع وبيخفى اغراضه الحقيقية ..
لكن اللى حصل انه
ده استدعى ظهور الدولة وهى انسحاب جماعة معينة من العمل الانتاجى وتحولها لمهمات حمل
السلاح , فبدأت تعيش على فائض انتاج الأكثرية وبدأت تنعزل شيئا فشيئا وتفرض قانونها
بل وتدعى ملكية الأرض ذاتها وأن الجماعة تعمل لصالحها , وده بداية ظهور الدولة وطبقة
الموظفين والكهنة اللى بيمثلوا الجهاز الأدارى الضخم خاصة فى النموذج المصرى العتيق
والفريد الطراز بحيث تتواجد دولة بهذا الحجم منذ فجر التاريخ عكس تجربة المدن فى سومر
ثم المدن السورية بعد ذلك ...
ومن هنا بدأ تاريخ
الاستغلال والصراع الطبقى , وبدأ أيضا مسار الحقبة التاريخية للبشرية ..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.